Летовите наменети за Скопје пренасочени во Приштина, Софија, Тирана и Солун
Густата магла повторно создаде сериозни проблеми во авионскиот сообраќај, поради што дел од летовите наменети за Скопје беа пренасочени кон аеродромите во Приштина, Софија, Тирана и Солун.
Вчера слетале и полетале само три авиони
И вчера, на Меѓународниот аеродром Скопје слетале само три авиони, кои успеале и да полетаат во попладневните часови, откако временските услови краткотрајно се подобриле.
Од ТАВ Македонија информираа дека, без оглед на временските прилики, аеродромот останува отворен и дека сообраќајот се одвива во согласност со безбедносните процедури.