Еден месец откако федералните власти препорачаа нови верзии на вакцини за ковид-19, само 7 отсто од возрасните во САД и 2 отсто од децата се вакцинирале.
Бројките, претставени денеска на состанокот одржан од Центрите за контрола и превенција на болести, доаѓаат од националното истражување на илјадници Американци, спроведено пред две недели.
Податоците, исто така, покажаа дека скоро 40 отсто од возрасните рекле дека веројатно или дефинитивно нема да се вакцинираат. Сличен процент од родителите изјавиле дека не планираат да ги вакцинираат своите деца.
Кон крајот на летото, владините здравствени службеници ја направија кампањата за вакцинација против ковид-19 како годишна кампања за грип.
Владатана САД, исто така, премина кон комерцијализиран систем кој се потпираше на здравствената индустрија – не на владата – за да се справи со дистрибуцијата на вакцините.
Американците беа повикани да добијат различни повторувања на вакцините повеќе од две и пол години. Оваа година, смртните случаи и хоспитализацијата од ковид-19 паднаа на пониски нивоа отколку што беа забележани во претходните три години.
Случаите остануваат ниски во споредба со раните месеци на пандемијата. И покрај тоа, здравствените власти велат дека околу 18.000 хоспитализации и 1.200 смртни случаи сè уште се пријавуваат секоја недела.