Пакси и Итака, два мали грчки острови, го следат примерот на Сими и планираат да воведат такса за туристите што доаѓаат само на еден ден, поради прекумерниот туризам
Мали грчки острови, како Пакси и Итака во Јонското Море, размислуваат да воведат туристичка такса за еднодневни посети. Причината е растечкиот притисок од прекумерен туризам. Пренесува грчкиот весник „Катимерини“, повикувајќи се на изјави од локални власти, јави дописничката на МИА од Атина.
Градоначалникот на Сими, мал грчки остров во близина на Родос и турското крајбрежје, веќе побарал од Министерството за внатрешни работи на Грција дозвола за воведување такса. Таксата ќе бие од три евра за посетителите кои пристигнуваат само на еден ден. Иницијативата го привлекла вниманието на другите мали грчки острови, како Пакси и Итака. Тие ја разгледуваат истата мерка.
Според „Катимерини“, градоначалниците на двата острови го следат развојот на иницијативата од Сими, по што ќе ги донесат сопствените одлуки.
Градоначалникот на Пакси, Спиридон Влахопулос, за весникот изјавил дека ако Владата преку Министерството дозволи ваков тип наплата. Тој е подготвен да го предложи ова прашање на општинскиот совет за одлука.
Од Итака, градоначалникот Дионисис Станицас појаснил дека можноста за воведување туристичка такса ќе биде разгледана по завршувањето на летната сезона.
Островите како Пакси, Итака и Сими имаат население од 2.500 до 3.000 жители. Но секое лето се соочуваат со огромен број туристи. Таквата состојба го преоптоварува капацитетот за основни услуги како чистење, вода и здравствена заштита.
Со евентуалната туристичка такса за еднодневни посети, локалните власти очекуваат да соберат средства за подобрување на инфраструктурата и зачувување на животната средина.