Ле Пен најави четврта претседателска кандидатура
Марин Ле Пен потврди дека ќе се кандидира на претседателските избори во Франција во 2027 година, со што најави четврта претседателска кандидатура. Таа ја соопшти одлуката во интервју за француската телевизија ТФ1.
„Вечерва сум кандидат“, изјави Ле Пен, додавајќи дека нема да го промени мислењето.
Жалбата треба да го одложи извршувањето на казната
Ле Пен, која со децении е едно од најпрепознатливите имиња на француската десница, најави дека ќе учествува во изборната трка откако ќе поднесе жалба до највисокиот суд во Франција.
Според неа, жалбата треба да го одложи извршувањето на казната и да ѝ овозможи да ја води кампањата без електронска алка.
„Национален собир“ останува силен политички фактор
Лидерката на „Националниот собир“ ја најави кандидатурата во период кога нејзината партија има силна поддршка во анкетите за јавното мислење.
Нејзината одлука повторно да влезе во претседателската трка ја потврдува политичката трансформација што ја изгради во изминатите две децении, во кои „Националниот собир“ од политичка маргина прерасна во една од највлијателните политички сили во Франција.
Ле Пен ќе се обиде да го наследи Емануел Макрон на претседателската функција, во трка што веќе привлекува големо внимание во француската и европската јавност.