Владата усогласи нови 20 отсто за полупроизводи и суровини
Премиерот Христијан Мицкоски денеска изјави дека со новата владина одлука за намалување и усогласување на царинските стапки се зголемува конкурентноста на домашните и странските инвеститори во земјата.
Тој објасни дека мерката се однесува на полупроизводи и суровини што ги користат извозниците во производството.
„Донесовме одлука со која се зголеми обемот на полупроизводи и суровини кои ги користат производителите и извозниците во Македонија за да извезуваат. Претходно имавме усогласување 50-на отсто, сега имаме дополнително усогласување за нови 20 отсто, односно до 70 проценти. Со тоа ги правиме нашите извозници и домашни и странски инвеститори уште поконкурентни. Тоа е целта на ова усогласување“, истакна Мицкоски, одговарајќи на новинарски прашања.