Кошаркарите на МЗТ Скопје забележаа убедлива победа над Кожув од 86:64 во првиот меч во новата сезона во машкиот кошаркарски шампионат.
„Штрковите“ одиграа силен меч во Гевгелија и со тоа испратија јасна порака дека немаат намера да се откажат од тронот во нашата кошарка. Уште по првите 10 минути МЗТ се стекна со двоцифрена предност (26-14), предност која дополнително беше зголемена до крајот на првиот дел (49-29) со што стана јасно кој ќе слави на овој дуел.
Ситуацијата не се промени и по паузата, фаворитот беше далеку подобар и дојде до триумф во кој најефикасен беше Танасковиќ со 17 поени, Баковиќ додаде 12, а двоцифрени беа уште Робев, Расел и Крстевски. Слејтер со 16 реализации беше прво име кај поразените.
Во вториот дуел Вардар го одбрни домашниот терен и славеше над Охрид со 90-83.