Инцидентот со физички напад и оружје се случил синоќа во Охрид, по што полицијата привела 47-годишен жител на градот. Случајот започнал со напад врз неговиот малолетен син, а потоа таткото реагирал со воздушна пушка.
На 27 август околу 22:15 часот, на булеварот „Туристичка“ во Охрид, неколку лица физички го нападнале малолетникот. Според пријавеното во СВР Охрид, едно од лицата било вооружено со пиштол.
По настанот, П.С. (47) од Охрид вперил воздушна пушка кон неколкумина од групата.
Полицијата го лишила од слобода П.С., а од СВР Охрид информираат дека се преземаат мерки за целосно расчистување на случајот.