Нови цени на горивата: РКЕ ги утврди новите максимални цени
Од ноќеска на полноќ, согласно одлуката на Регулаторната комисија за енергетика, водни услуги и услуги за управување со комунален отпад, ќе стапат на сила нови цени на горивата. Малопродажните цени на ЕУРОСУПЕР бензините бележат зголемување, додека цените на дизелот и екстра лесното масло се намалуваат.
Поевтинува дизелот и екстра лесното масло, поскапува бензинот
Според новата одлука:
Цената на ЕУРОСУПЕР БС-95 се зголемува за 1 денар и ќе изнесува 75,00 ден/литар.
Цената на ЕУРОСУПЕР БС-98 исто така се зголемува за 1 денар и ќе изнесува 77,00 ден/литар.
Цената на ЕУРОДИЗЕЛ (Д-Е V) се намалува за 1 денар, новата цена е 69,50 ден/литар.
Екстра лесното масло за домаќинство (ЕЛ-1) се намалува за 1 денар, исто така ќе чини 69,50 ден/литар.
Зголемена цена и на мазутот
Малопродажната цена на Мазутот М-1 НС се зголемува за 0,533 ден/кг и ќе изнесува 39,945 ден/кг.
Новите цени стапуваат на сила од 5 август 2025 година, од 00:01 часот.