Новите налепници со НМК ќе бидат бесплатни за граѓаните

Главоболките заради „Северна“ продолжуваат. Налепниците со ознаката „NMK“ кои се облигарни заради Преспанскиот договор ќе бидат бесплатни за граѓаните, одлучи МВР денеска.

Налепниците на кои е „NMK“ наместо сегашното „MK“ МВР одлучи дека ќе бидат на нивни трошок, односно нема да бидат на товар на граѓаните.

Турканици и гужви освен за таблички има и лични документи, а новиот технички министер од редовите на ВМРО-ДПМНЕ се заложи уште од првиот ден за решавање на овој проблем, а денеска соопшти дека активно се работи на овој процес. Тој најави од понеделник забрзување на постапката.

„Целта е да се забрза процесот на вадење лични документи“: Тошковски на средба со Алиу

Претходно, Министерството за внатрешни работи во декември минатата година склучи договор за набавка на нови регистарски таблички и на налепници за регистрациите на кои ознаката „МК“ ќе се замени со „НМК“. Договорот е склучен со фирмата „Квантум дооел Скопје“, а производител на табличките е германската фирма „ЕХА Хофман“.