Палестинската милитантна група Хамас објави дека нема да се согласи на друг договор за ослободување на заложниците што ги држи во Газа доколку, како што наведе, не престане „израелската агресија“ врз Појасот Газа.
„Го потврдуваме нашиот став дека нема да отвориме никакви преговори за размена на затвореници доколку еднаш засекогаш не престане агресијата врз нашиот народ“, се наведува во соопштението на Хамас.
Се додава дека овој став Хамас им го пренел на посредниците, пишува Тајмс оф Израел.
Милитантната група Исламски џихад, исто така, соопшти дека договорот за ослободување на заложниците ќе се разговара само по општ прекин на огнот.
„Подготвени сме за размена на заробеници, но по генерален прекин на огнот, посветени сме на тој услов“, изјави претставникот на Исламски џихад.