Имено, тие тврдат дека 60 проценти од луѓето од Јужна Азија и 15 проценти од луѓето со европско потекло имаат високоризична верзија на тој ген.
„Вакцините се клучни и помагаат значително да се намалат овие ризици“, тврдат истражувачите, како што пренесува ВВС.
Студијата на научното списание Nature Genetics делумно открива зошто некои заедници во Велика Британија и Јужна Азија се изложени на поголем ризик од ковид-19, но не го објаснува целосно.
Надоврзувајќи се на претходната генетска работа, истражувачите користеа комбинација на вештачка интелигенција и нова молекуларна технологија за да го лоцираат точниот ген – наречен LZTFL1 – одговорен за зголемени ризици.
Тие проценуваат дека верзијата на генот за ризик е присутна кај околу 2,0 проценти од луѓето со африканско-карипско потекло и 1,8 проценти од луѓето од источноазиско потекло.
Водечкиот истражувач, професорот Џејмс Дејвис, рече дека сложената комбинација на фактори, вклучувајќи ја особено возраста, придонесува за индивидуалниот ризик на секој човек и дека „социо-економските фактори исто така веројатно ќе бидат важни во објаснувањето зошто некои заедници се особено тешко погодени од пандемијата. ”
„Иако не можеме да ја промениме нашата генетика, нашите резултати покажуваат дека луѓето со повисок ризик ген веројатно ќе имаат корист од вакцинацијата“, вели Дејвис.