– Недоволното количество на вакцини беше главна пречка за кампањата за вакцинација во првиот квартал од годината. Како што напредува, Полска ќе мора да се фокусира на распределбата на очекуваното големо снабдување со вакцини, истакна Моравецки.

Само овој месец Полска ќе добие најмалку пет милиони дози вакцини, а бројот на испорачани вакцини може да достигне седум милиони дози, изјави шефот на кабинетот на премиерот и министер без ресор Михал Дворчик, кој е одговорен за организирање на кампањата за вакцинација.

Постепено, бројот на пунктови за вакцинација ќе се зголеми, а во кампањата ќе бидат вклучени аптеки, пунктови за имунизација на луѓето во нивните автомобили, како и големи компании.

Досега во Полска се вакцинирани околу четири милиони луѓе, од кои два милиона се веќе со двете дози.

Од почетокот на пандемијата на коронавирусот, земјата регистрираше 2,29 милиони заразени случаи и речиси 52.400 починати пациенти.