Од полициското одделение Суботица велат дека девет повредени лица, учесници во сообраќајната несреќа, со возило на Итна медицинска помош биле пренесени во болниците во Врбас и Суботица.
Судирот на две возила се случил на иста сообраќајна лента кога едно од возилата, веројатно поради неприлагодена брзина, удрило во задниот десен дел од другиот автомобил. По судирот, едно возило се превртело и запрело покрај автопатот.
Несреќата се случила кога возачот на патнички автомобил БМВ со британски регистарски ознаки изгубил контрола над возилото поради неприлагодена брзина и густ сообраќај и удрил во задниот дел на „опел зафира“ со белгиски регистарски ознаки, кој бил запрен на лентата за застанување поради дефект.
Како што беше кажано за РТС во Општата болница во Суботица, шест учесници во несреќата, родители со четири деца, државјани на Белгија со потекло од Македонија, биле пренесени во оваа институција.
Децата и нивниот татко се полесно повредени, додека мајката е потешко повредена, се здобила со фрактура на карлицата.
Откако заврши истрагата, како што беше соопштено од Патиштата на Србија, сообраќајот на оваа делница од автопатот беше нормализиран.