Жителите од дел на скопската населба Ново Лисиче утре ќе се соочат со прекин во водоснабдувањето. Како што информираат надлежните служби, причината се планирани технички интервенции на водоводната мрежа на терен. Зафатот опфаќа поставување нова водоводна линија во оваа скопска општина.
Прекинот во снабдувањето ќе започне во 8:00 часот наутро и ќе трае сè до целосното завршување на работните активности. Интервенцијата се однесува на изведување водоводен приклучок со профил од ф-150 милиметри на булеварот Видое Смилевски – Бато, кај полициската станица.
Без вода за пиење во текот на денот ќе останат корисниците лоцирани долж булеварот Видое Смилевски – Бато во Општина Аеродром. Информацијата ја соопшти Регионалниот центар за управување со кризи, врз основа на официјалното известување испратено од ЈП „Водовод и канализација“ – Скопје.