Сомнежот дека полскиот воздушен простор бил нарушен од правец на Белорусија се покажал како лажна тревога. Полските власти потврдија дека радарските системи забележале големо јато птици, а не непријателско летало, објави „Ројтерс“.
Поради првичните индиции за можно навлегување во воздушниот простор, полската војска била активирана во неделата. По 12 часот биле подигнати воени хеликоптери со задача да ги проверат радарските податоци.
Оперативната команда на полските вооружени сили подоцна соопшти дека радарските записи не биле поврзани со нарушување на воздушниот простор на земјата. Според командата, системите за надзор всушност регистрирале прелет на големо јато птици.
Воената активност предизвикала и краткотраен прекин на летовите од аеродромот во Жешов, во југоисточниот дел на Полска.
Полската агенција за контрола на воздушниот сообраќај (PANSA) подоцна потврди дека аеродромот во Жешов продолжил со редовното работење.