Во текот на ноќта Русија повторно ја нападна областа Одеса со дронови, но беше погодено и пристаниште на Дунав, при што беа оштетени неколку згради, соопшти украинското Министерство за одбрана.
Украинската армија не прецизираше кои од пристаништата на Дунав биле мета на нападот, но беше наведено дека „значителна штета претрпеле повеќекатните административни згради“.
Украинската противвоздушна одбрана успеа да собори 11 дронови Шахед над Одеса, за кои Јужната команда на земјата соопшти дека „намерно“ ја гаѓале инфраструктура на реката Дунав.
„За време на ноќниот напад во јужниот дел на регионот Одеса, силите за противвоздушна одбрана уништија 11 напади со дронови Шахед-136. „Непријателот намерно се обиде да ја уништи пристанишната инфраструктура на Дунав“, се вели во соопштението на украинската армија.
Откако Русија се повлече од договорот за жито на 17 јули, Москва започна серија напади врз резервите на жито во клучните украински градови, а реката Дунав стана последната цел.
Пристаништата на Дунав, кои се наоѓаат на границата на Украина со Романија, сега се главната рута на Киев за испорака на милиони тони на украинско жито до остатокот од светот.