Министерството за надворешни работи на Русија издаде сериозно предупредување до Јужна Кореја за можната испорака на оружје на Украина. Според заменик министерот за надворешни работи, Андреј Руденко, ваквиот потег би имал сериозни последици врз односите меѓу Москва и Сеул, пренесува „Известија“.

Русија: Оружјето ќе ги влоши руско-корејските односи

  • „Сеул мора да биде свесен дека евентуалната употреба на јужнокорејско оружје за убивање Руси ќе им наштети на односите меѓу нашите земји. Се разбира, ние ќе одговориме на сите начини што сметаме дека се неопходни,“ изјави Руденко за руската новинска агенција „Тасс“.

Според него, секоја одлука за вооружување на Украина би можела да има трајни последици за долгорочните односи меѓу двете земји.

Апел за внимателност од Сеул

Заменик министерот го повика Јужна Кореја да биде внимателна во своите одлуки и да избегнува „непромислени“ чекори кои би можеле дополнително да ја влошат ситуацијата. Руденко истакна дека Москва се надева оти раководството на Сеул ќе ги базира своите одлуки на долгорочни национални интереси, а не на, како што рече, „краткорочни размислувања што ќе ѝ бидат пренесени однадвор.“

Западот и обидите да го вовлече Сеул во конфликтот

Русија го обвинува Западот дека се обидува да го вовлече Сеул во конфликтот преку сојуз со Украина.

  • „Западот сака да ја вооружи Јужна Кореја и да ја направи соучесник во злосторствата на украинското раководство,“ предупреди Руденко.

Одлуката на Сеул ќе биде тест за билатералните односи

Русија продолжува да ги засилува своите предупредувања кон државите кои можат да се вмешаат во конфликтот во Украина. Потенцијалната испорака на јужнокорејско оружје на Киев се гледа како провокација, што Москва вети дека ќе одговори соодветно. Како што ситуацијата се заострува, одлуката на Сеул ќе биде клучен тест за билатералните односи со Русија.