Соединетите Американски Држави и Саудиска Арабија се согласија дека е важно да се спречи Иран да се здобие со нуклеарно оружје, се наведува во заедничко соопштение објавено од Саудиската прес-агенција.
Американскиот претседател Џо Бајден ја истакна силната и трајна поддршка на неговата земја за безбедноста и одбраната на сунитското кралство богато со нафта, кое е главниот ривал на шиитската исламска република на Блискиот Исток.
Вашингтон и Техеран, исто така, ја истакнаа потребата да се стави крај на мешањето на Техеран во внатрешните работи на земјите, неговата поддршка за терористичките групи и дестабилизацијата на регионот.
За време на дводневната посета на американскиот претседател на Саудиска Арабија, која започна вчера, беа потпишани 18 договори за партнерство во повеќе области – од енергија до комуникации и вселенски истражувања до здравствена заштита, објави саудиската државна телевизија Ал-Ехбарија.
Енергетските проекти се поконкретно во областа на нуклеарната енергија, ураниумот и обновливите извори на енергија.
Заливските монархии богати со нафта, како што е Саудиска Арабија, инвестираат во чиста енергија, нагласувајќи дека нафтата и гасот остануваат важни за глобалната енергетска безбедност, во услови на зголемени повици за отстапување од фосилните горива.