Сократ Вата (29), осомничен дека е сторител на убиството на 20-годишниот француски државјанин Мигел Мендес во Ксамил, е уапсен по неколку часа во бегство.
Тешкиот инцидент се случил утрово во крајбрежната зона на Ксамил, каде животот го загубил 20-годишниот Французин.
Вата бил уапсен на контролен пункт поставен во Леван, во рамки на полициската акција за негово пронаоѓање. Според информациите, 29-годишникот се обидувал да ја напушти областа по инцидентот.
Според истите извори, Вата се криел во багажникот на автомобил, но бил откриен од полицајците на контролниот пункт.
По апсењето, се очекува тој да биде сослушан од истражниот тим, додека истрагата продолжува со цел целосно расчистување на околностите и мотивот за убиството