Силно невреме ги поплави улиците на Хвар, гром удри во куќа

Според порталот Далмација Данас, морето ја сменило бојата поради пороите на Хвар.

За само еден час во градот Хвар наврнале 90 литри дожд на метар квадратен, а во последните 24 часа над 120 литри, што е повеќе од просечната количина на врнежи што паѓа во ноември, објави порталот Index.hr.

„Имаме многу проблеми со водата. Гаражите ни пловат, се е полно со вода“, изјави за „Далмација Данас“ командантот на доброволната противпожарна бригада Хвар, Никола Шкаре.

„Ние непрекинато пумпаме, а дождот не престанува. Проблемот е што телефоните се расипани, за тоа ја известивме и полицијата“, додаде тој.

Освен обилните врнежи, проблем на Хвар се и силните грмежи кои предизвикаа голема штета на електрониката.

Од удари од гром е причинета значителна материјална штета бидејќи изгореле бројни електрични уреди, а дел од просторот останал без телефон.

Околу 14 часот и 15 минути пожарникарите побрзале да интервенираат во месноста Крижни стаорец, каде удар на гром предизвикал пожар во покривот на семејната куќа.

Како што изјави за Далмација денес командантот Никола Шкарпа, интервенцијата е во тек, а според првите информации нема повредени.