Како што соопшти ЈОРМ, во својот дом на улицата „Рилски конгрес“ во Скопје осомничениот неовластено произведувал наркотична дрога – марихуана. На 21 септември, се посочува, при претрес во неговиот дом биле пронајдени две стебла од растението канабис со висина од по 130 сантиметри, со развиен корен, стебло, листови и цвет, 11 соголени гранки и четири гранчиња канабис, повеќе кутии со траги од наркотична дрога и рачно изработена цигара со марихуана.
До судијата на претходна постапка од Основниот кривичен суд Скопје јавниот обвинител достави предлог за определување мерка притвор за осомниченото лице.