Владата најави епидемиолошка рамка која ќе биде во сила за време на божиќните и новогодишните празници и која е многу поблага од лани кога речиси се беше затворено.
За разлика од минатата година, во црквите ќе се одржат полноќните богослужби, но ќе можат да присуствуваат само вакцинирани лица, оние кои преживеале ковид-19 или имаат негативен тест.
За време на божиќните и новогодишните празници, на 24, 25 и 31 декември, како и на 1 јануари, ќе биде дозволено да се соберат лица од најмногу три домаќинства, под услов претходно да се тестираат сите постари од шест години, соопшти словенечката Влада.
Валидноста на брзиот антигенски тест е скратена на 24 часа, а на ПЦР на 48 часа.
Во рестораните е дозволена и музика во живо, а гостите ќе можат да се тестираат непосредно пред да влезат во просторот.