Советот на јавни обвинители го отфрли предлогот за разрешување на Коцевски
Советот на јавни обвинители денеска со шест гласа „за“ го одби предлогот на Владата за разрешување на државниот јавен обвинител Љупчо Коцевски. Само тројца членови гласаа во прилог на негово разрешување.
Затворена седница поради дисциплински постапки
Пред почетокот на седницата, јавноста беше исклучена од расправата. Советот објасни дека во разгледувањето на предлогот биле изнесени информации за тековни дисциплински постапки против двајца виши обвинители, што наложило да се зачува интегритетот на Коцевски.
Владата незадоволна од работата на обвинителот
Иницијативата за разрешување ја покрена Владата, која смета дека Коцевски предизвикал нарушени меѓучовечки односи и влијаел врз одредени предмети. Сепак, премиерот Христијан Мицкоски минатата недела најави стопирање на постапката, нагласувајќи дека обвинителите треба да имаат простор за работа, особено во истрагата за трагедијата во Кочани. Тој додаде дека разрешувањето на јавниот обвинител ќе се запре во моментот до таму каде што се наоѓа.
Запира постапката на Владата за разрешување на јавниот обвинител Коцевски
Со оваа одлука, Коцевски останува на функцијата државен јавен обвинител.
Извор: Сител