Двете нови членки во Судскиот совет ќе внесат свеж воздух поради знаењето, а и поради храброста, вели за „360 степени“ шефицата на државата за Сузана Јошевска-Анастасовска и Арлинда Кадри-Шахиновиќ.
Двете нови членки беа предлог на Гордана Сиљановска Давкова. Претседателката вели дека е во контакт со нив и дека со Јошевска-Анастасовска остварила и средба.
За Кадри-Шахиновиќ, вели оти се слуша и со неа и оти ја радува фактот што таа работи на правилникот за заштита (на судиите) од влијанија.
– Правилникот се однесува на заштита на судиите, како Судскиот совет може не само дисциплински да ги санкционира, да ги бира и да ги разрешува судиите, туку и да ги штити од можни влијанија однадвор. И мислам дека е тоа нешто исто што е ново и се надевам дека тоа ќе биде охрабрено и прифатено. Така што од она што го гледам, мислам дека свеж воздух влезе во Судскиот совет и дека овие две жени, заради знаењето а и заради храброста, сигурно дека ќе внесат промени – рече Сиљановска-Давкова.