Татко и ќерка се полесно повредени откако излетале со автомобил во реката Вардар во близина на тетовски Челопек. Несреќата се случила вчера околу 19:40 часот на локалниот пат за село Челопек, кај мостот на реката.
Според информациите од Министерството за внатрешни работи (МВР), автомобилот „голф“ со скопски регистарски ознаки, управуван од Т.М. (39) од Тетово, излетал во реката. Во несреќата се здобиле со полесни повреди и возачот и неговата малолетна сопатничка, кои биле пренесени во Клиничката болница Тетово за понатамошно лекување.
Автомобил излета во реката Вардар, екипи за спасување на терен
Командирот на Територијалната противпожарна единица Тетово, Авни Амети, информираше дека по инцидентот, таткото и ќерката успеале самостојно да излезат од автомобилот. Интервенцијата за извлекување на возилото беше успешно извршена од страна на противпожарната единица. Девојчето имало скршен прст.
Сообраќајната незгода беше пријавена во полицијата, а увидот на местото на настанот беше извршен од увидна екипа од СВР Тетово.
Извор: Република