Американскиот претседател Доналд Трамп објави денеска дека војската на САД започнала процес на расчистување на Ормускиот Теснец и дека сите ирански бродови наменети за поставување мини се потопени.
„Сега го започнуваме процесот на расчистување на Ормускиот Теснец“, напиша Трамп на социјалните мрежи, додавајќи дека сите 28 ирански бродови за поставување мини веќе се наоѓаат на морското дно.
Трамп во неколку наврати изјави дека американските сили ги уништиле иранските морнарички и воздухопловни капацитети, истовремено нанесувајќи тешки удари врз нуклеарната и програмата за балистички ракети на Техеран. Стравувањата од ирански напади врз трговските бродови во изминатите неколку недели практично ја затворија Ормускиот Теснец, која е критичен канал за светско снабдување со нафта, што пак предизвика сериозни потреси на глобалните енергетски пазари.