Трето крило на Алијанса за Албанците!?

Касами: Сега пости трето крило на Алијанса за Албанците – за нас важни се гласачите, а тие се со „Вреди“

По оставките на дел од функционерите од редовите на Алијанса за Албанците (АА), претседателот на Движење Беса, Биљал Касами, изјави дека станува збор за индивидуални одлуки, додека мнозинството, според него, останува во коалицијата „Вреди“ и во рамки на новоформираната политичка партија со истото име. Касами изрази уверување дека политичката тежина на Алијанса за Албанците е токму во поддршката од гласачите, кои сè уште се лојални на коалицијата „Вреди“.

Алијанса за Албанците – една партија, три крила

Се појавува трето крило на Алијанса за Албанците.

– Една е Алијанса за Албанците, таа што е дел од коалицијата „Вреди“. Постојат судски постапки, но верувам дека наскоро ќе се расчисти состојбата. На крајот, за нас е важно каде се гласачите – тие се со „Вреди“, рече Касами од Тетово.

Тој додаде дека партијата „Вреди“ веќе е регистрирана како самостоен политички субјект, што е доказ за правната и политичка консолидација на движењето.

Следува реконструкција во Владата – нови имиња наскоро

Касами најави дека во тек се разговори со премиерот за пополнување на испразнетите министерски и заменички позиции.

– Овие денови ќе се знаат имињата на новите министри и заменици. Министерството за здравство е особено важно и ќе добие сериозен кадар. Само оние што соработуваат со ДУИ не се добредојдени, истакна Касами.

Пратеничката група на ВЛЕН – најголема албанска сила во Собранието?

Во меѓувреме, пратеничката група на ВЛЕН брои девет членови, а од таму најавуваат дека наскоро ќе се приклучат уште неколку пратеници, со што би станале најголемата албанска група во македонскиот парламент.

– Ќе продолжиме да го спроведуваме мандатот кој ни го дадоа 107 илјади граѓани. Ги повикуваме и другите албански пратеници, особено избраните преку коалицијата ВЛЕН, да се приклучат кон нас. Сега е време за единство и акција, порачаа од ВЛЕН.

Со актуелните поместувања на политичката сцена, очигледно е дека се кристализираат нови односи меѓу албанските партии во Македонија, со можни последици и за стабилноста и насоката на актуелната влада.