Огнот брзо се проширил, интервенирале и хеликоптери

Најмалку пет лица се повредени во пожар што избувнал во станбена зграда во Тирана, во близина на болницата „Мајка Тереза“. Меѓу повредените има и тројца пожарникари, според информациите на албанските медиуми.

Евакуација преку прозорци и голема материјална штета

Засега не е позната причината за пожарот, кој за кратко време ја зафатил целата зграда. Во гаснењето, покрај противпожарните екипи, биле ангажирани и хеликоптери кои интервенирале од воздух.

Снимките од местото покажуваат евакуација на граѓани преку противпожарни скали поставени до прозорците. Во зградата живееле и постари лица.

Пожарот предизвикал голема штета, при што целосно е уништена фасадата на новоизградената зграда. Густ црн чад бил видлив од повеќе делови на градот.