Од опозициската партија велат дека изнудената оставка на Рашковски пропратена со арогантен напад на јавноста не е преземање на одговорност.
Останатиот дел од нивното соопштение ви го пренесуваме во целост:
Драги Рашковски има и тоа колку многу причини да одговара, почнувајќи од скандалот Леонардо, преку САРХЕМС, па до најновиот скандал со набавката на софтверот на МВР, но и за непријавениот имот, џип и хациенда.
Но ако мислат Рашковски и неговиот шеф Зоран Заев дека со оставката ќе ги покријат милионските скандали, се лажат.
Зоран Заев очигледно сака своите соработници кои се до гуша заглавени во криминали и корупција да ги спасува само со оставки.
Така беше случајот со Ден Дончев и Лидија Димова, така е и сега со случајот на Драги Рашковски.
Овие милионски скандали не се покриваат со оставка, потребана е одговорност и судска разврска, завршуваат од центарот за комуникации од ВМРО-ДПМНЕ.