-Тој не може веќе да биде ниту решение. Неговото заминување е неопходно за подобро на Македонија. Неговиот збор видовме дека не вреди, тој освен што е губитник е и класичен измамник. Последните обиди за притисоци и непристојни понуди кон пратениците кои се потпишаа на иницијативата за гласање на недоверба на владата се само сламка за спас на Заев и екипата околу него. Тоа се потези на очајник. Граѓаните јасно му порачаа на последните избори дека се за промени и ваквите злоупотреби нема да му помогнат, туку само уште повеќе ќе го зголемат незадоволството на народот, велат од ВМРО-ДПМНЕ.
Од ВМРО-ДПМНЕ посочуваат дека помина времето на лагите, заплашувањата и притисоците на преварантот Заев.
-Заев не може да ја држи Македонија во заложништво заради фотеља и политичка кариера. Тие се веќе завршени. На народот му е јасно како бел ден дека со Заев и СДСМ на власт ќе продолжат да тонат во криза, економска, здравствена, енергетска. Мотивот на тие кои се потпишаа на иницијативата е да се исполни волјата на граѓаните. Доаѓа времето нова власт да се справува со проблемите и да донесе нова и подобра иднина за Македонија, додаваат тие.