Контрола откри присуство на ларви и инсекти
Инспектор за храна на Агенцијата за храна и ветеринарство неделава откри 22,3 тони киви со присуство на ларви и инсекти. Пратката, наменета за индустриска преработка, беше забранета за увоз, а за неа е издадено решение со наредба за нештетно уништување.
Од Агенцијата информираат дека станува збор за 22.340 килограми киви увезени од Република Србија. Органолептички преглед од инспектор за храна утврдил дека пратката не е безбедна за увоз и понатамошна преработка.
Издадена наредба за уништување
„На увозникот издедено му е решение со наредба за нештетно уништување на спорните количини киви, по добиеното известување од негова страна дека пратката не може да се врати во земјата извозник,“ стои во соопштението од Агенцијата за храна и ветеринарство.
Контролите ќе продолжат, а инспекторите ќе ја следат безбедноста на увозното овошје за да се спречат ризици за здравјето на потрошувачите.