Украинскиот претседател Володимир Зеленски изјави дека украинските војници повторно ја заземаат територијата околу главниот град и ја потиснуваат руската армија.

– Нашите бранители напредуваат во регионот на Киев, враќајќи ја контролата над украинската територија, рече тој.

Тој го пофали и враќањето на Ирпин под контрола на Украина.

– Ирпин е ослободен. Браво! Благодарен сум на сите што работеа на овој резултат. Окупаторите се оттурнати од Ирпин. Оттурнати од Киев. Сепак, рано е да се зборува за безбедноста во овој дел од нашиот регион. Борбите продолжуваат, рече Зеленски.

Украинскиот претседател рече дека руските војници продолжиле да ја контролираат областа северно од Киев и ќе продолжат да напаѓаат иако „стотици и стотици единици непријателска опрема се изгорени и уништени“ и расфрлани низ областа.

Досега во војната се убиени 143 деца, рече тој, додавајќи дека Мариупол сè уште е под опсада.

– Руските војници не дозволија денеска да се организира никаков хуманитарен коридор, не дозволија прекин на огнот, рече Зеленски.

Тој, исто така, информира дека се договорил со Борис Џонсон Велика Британија да испрати нова воена помош и да ги заостри санкциите против Русија.