Русија ѝ доставила разузнавачки податоци на Иран пред нападот врз американската база „Принц Султан“ во Саудиска Арабија, тврди украинскиот претседател Володимир Зеленски.
Во интервју за NBC News, Зеленски изјави дека руски сателити ја фотографирале базата во три наврати непосредно пред нападот на 26 март, додавајќи дека е „100 отсто сигурен“ дека тие информации биле споделени со Техеран.
Според него, моделот на надзор бил јасен – првата снимка служела за подготовка, втората за симулација, а третата значела напад во рок од 48 часа.
Во нападот биле ранети 10 американски војници и оштетени неколку авиони-цистерни.
Зеленски оцени дека рускиот претседател Владимир Путин има директна финансиска корист од продолжувањето на конфликтот на Блискиот Исток, особено по привременото укинување на санкциите за руската нафта.
Иранскиот министер за надворешни работи Абас Арагчи изјави дека Москва му дава воена помош на Иран „во многу правци“.
Американскиот претседател Доналд Трамп претходно ги отфрли загриженостите, оценувајќи дека руската поддршка за Иран е одговор на американската поддршка за Украина.