Илјадници граѓани од соседните земји пристигнаа во Белград откако српските власти викендов им понудија бесплатна вакцинација на странците против вирусот корона, пренесува Асошиејтед прес.
Агенцијата наведува дека денеска пред центарот за вакцинација на саемот во Белград, во присусво на полицијата „се формираат долги редици“, граѓани на Босна и Херцеговина, Црна Гора и Македонија.
-Повеќето соседи на Србија имаат проблем со недостаток на вакцини и едвај започнаа да го имунизираат населението, додека Србија „може да се пофали со доволно залихи и една од највисоките стапки на вакцинација во Европа, рече АП, потсетувајќи дека белградската влада донирала вакцини на Македонија и Црна Гора и БиХ.
Критичарите на популистичкиот српски претседател Александар Вучиќ велат дека тој се обидува да шири влијание на Балканот и да го уништи имиџот на ултранационалист што го стекна при крвавиот распад на Југославија. Што не може да се потврди, наведува АП.
Агенцијата ги пренесува наводите на порталот Кликс за долги колони возила на граничните премини меѓу БиХ и Србија утрово и за денешната вакцинација на бизнисмени од Македонија во Белград, откако Српската стопанска комора им понуди 10.000 дози на колегите од регионот.
Србија има една од највисоките стапки на вакцинација во Европа, најмногу благодарение на набавката на големи количини вакцини од Кина и Русија, а во земјата се користат и вакцините од компаниите Фајзер / Бионтек и АстраЗенека.
-Иако повеќе од два милиони луѓе во земјата со седум милиони жители примија барем една доза на вакцина, Србија забележа значителен пад на бројот на граѓани кои аплицираат за вакцинација. Официјалните лица и лекарите го припишуваат падот на интересот на растечката анти – движење за вакцинација, додаде тој.