На денешната прес-конференција, Арсовска продолжи со детално претставување на проекти од нејзината програма. Со 250 нови еколошки автобуси Арсовска планира да го реши сообраќајниот хаос и да се обезбеди подобра и побрза поврзаност во градот.

– Скопје има егзистенцијални проблеми кои мора да ги решаваме. Мора да имаме брзи и сигурни проекти што ќе го направат Скопје подобро место за живеење. Бидејќи сите сме сведоци на нечисти автобуси во јавниот превоз за кои никој не води грижа и кои не се водат според возниот ред. И токму јавниот превоз е еден од најголемите проблеми на нашиот град. Јавниот превоз не е само проблем сам за себе. Тоа што тој е нефункционален, нередовен и скап, создава сериозна потреба граѓаните да ги користат исклучиво своите возила. Тоа создава дополнителен проблем, односно преоптоварување на градските улици. На Скопје му требаат брзи и сигурни решенија. А решение е набавка на нови 250 еколошки автобуси, дел на електрични напојување, дел на природен енергенс. Ова ќе чини далеку поевтино од секакви големи проекти, а ќе значи решавање на децениски проблем во Скопје, изјави Арсовска

Според неа, со реализација на овој проект ќе се намали загадувањето, односно ќе биде еднакво на нула. Скопје и скопјани ќе добијат сигурен и брз транспорт, без притоа да се изгуби зеленилото на градот, без поместување мостови, без мегаломански утописки проекти.

Арсовска најави реализација на овој проект со поддршка од меѓународните институции, кои за вакви и слични проекти даваат сериозна поддршка на многу други европски градови.

Доколку немаме достапен и ефикасен јавен превоз ќе имаме и гужви на улиците е имаме и гужви по булеварите.

Околу критиките од нејзиниот опонент Петре Шилегов, дека бесплатниот превоз за сите не е возможен поради огромните трошоци, таа рече дека ЈСП е континуирано во загуби и запраша дека се парите на Скопјани и како се трошеле во изминатиот период.

– Дали ЈСП е ставено во долгови сите овие години наместо да биде профитабилно претпријатие затоа што од финансиските извештаи се гледа дека тоа е континуирано во загуби, дури и во почетокот на 2021 година има над 130 милиони генерирани загуби. Знаеме кој го контролира и како го контролира ЈСП и очигледно не е направен добар и функционален систем затоа што тоа има далеку повеќе загуби и далеку повеќе трошоци од она кое би требало да бидат генерирани приходи во Јавното претпријатие. Значи тоа секако работи со големи генерирани загуби, а овие загуби делумно ги покрива и самиот Град Скопје со свој придонес, нагласи Арсовска.

Таа потенцираше дека за неа е неприфатливо да се чекаат уште четири години за да се реши еден од најзначајните проблеми на скопјани, а, како што посочи, во исто време постои многу едноставно решение за тоа кое јас го претставив.

– Знаеме и кој водел сметка за финансиската страна за работењето на ЈСП и за жал од финансиските извештаи можеме да видиме дека таа работа не е добро водена. За две години потрошени се 300 милиони денари, повеќе од она што е заработено во ЈСП. Во 2020 на ставката трошење по основ на инвентар потрошено е повеќе од 500 милиони денари. Каде оделе парите на граѓаните? Каде оделе парите на граѓаните особено за време на пандемија, особено кога некој сака да каже дека немало доволно активности и дека немало доволно можности да биде користен јавниот превоз и кога немало доволно потреба од истиот, кадешто би требало трошоците да се значително намалени, а не да се генерираат во поголеми долгови што се однесуваат на ЈСП, потенцираше кандидатката за градоначалничка на Град Скопје.