Претседателката на Македонија, Гордана Сиљановска-Давкова, во име на македонските граѓани и во свое лично име, изрази длабока благодарност до сите пријателски држави кои пружија несебична помош по трагедијата во Кочани. Таа нагласи дека нивната поддршка во моментите на национален шок и болка, предизвикани од природната катастрофа, беше клучна за спасување на животи и ублажување на последиците од несреќата.

„Ангажманот на медицинските тимови, авионите и хеликоптерите за итна интервенција, отворањето на здравствените установи и активирањето на европскиот механизам за цивилна заштита, испратија недвосмислена порака дека во овие тешки моменти не сме сами. Тие ја делеа болката со нас и нивната поддршка стана заеднички лек”, рече Сиљановска-Давкова.

Во благодарноста, претседателката нагласи дека оваа хуманитарна солидарност ќе остане врежана во колективната меморија на народот и ќе биде спомнута како пример на вистинско пријателство.

Благодарност на претседателката Сиљановска-Давкова за изразеното сочувство од светските лидери за трагедијата во Кочани

Македонија со благодарност ја прими помошта од следните држави:

Република Србија

Република Бугарија

Република Турција

Хеленската Република

Кралството Шпанија

Република Австрија

Унгарија

Република Хрватска

Кралството Белгија

Италијанската Република

Република Литванија

Република Словенија

Кралството Шведска

Република Полска

Државата Израел

Република Чешка

Обединетото Кралство

Сојузна Република Германија

Големото Војводство Луксембург

Кралството Норвешка

Романија

Република Албанија

Босна и Херцеговина

Кралството Холандија

Република Финска

Француската Република

Европската Унија

Сиљановска-Давкова потврди дека оваа помош е незаменлива и ќе остане во сеќавањето на македонскиот народ како симбол на меѓународна солидарност и пријателство.

Извор: Канал 5