Грчките научници предвидувааткрна статистика во однос на ширењето на пандемијата во месец август. Професорот по Пулмологија од Универзитетот на Крит, Никос Тзанакис истакна дека во следните десет дена просекот на новозарасени ќе биде околу 2.500 случаи на ден. Месец август се предвидува како „црн“ од страна на професорот Домостенес Саригианис и кој вели дека „бројките можат да достигнат до 3.500 на ден во месец август“.
Притоа предупредувајќи дека тешките денови допарва доаѓаат. Саригианис посочи дека тоа што се случува е поради олоеснувањето на мерките и ширењето на Делта сојот кој за мнону брзо време се очекува да биде доминантен, но се уште сме на почетокот после релаксирањето на мерките. Грција речиси еден месец ги има отворено границите за туристите.
Инаку, како што вчера пренесуваа грчките медиум, бројот на новозаразени со коронавирус во Грција секојдневно расте, а заразниот Делта сој забрзано се шири, а особено меѓу младите. Како што пренесуваат грчките медиуми, само на една забава во познат бар на плажа во Атина, заразени се стотина лица.
Поради тоа се најавуват нови рестриктивни мерки. Од утре, сите кафиќи, ресторани, барови и клубови ќе можи да работат доколку имаат обезбедено места за седење.
Во вторникот регистрирани биле нови 1.797 случаи, од кои повеќе од 1.000 во регионот Атика, а починале осум лица. На респиратор се 168 пациенти.
Заменик министерот за цивилна заштита Никос Хардијас предупреди дека во последните 10 дена просечната старост на новозаразените е од 27 и дека 32 отсто од нив се заразиле на собири на отворено.
-Заразниот Делта сој можеби стана доминантен и се шири во Грција, рекол тој и ги повика граѓаните да се вакцинираат.
Како што додал, забележан е голем скок во бројот на новозаразени од 28 јуни па до сега дури трикратно.
-Вакцинирате се веднаш. Посебно младата популација треба да ги заштити своите родители и други стари, рече за националната грчка телевизија ЕРТ Хардијас.