ДОЈАВИ ЗА БОМБИ ВО „ИСТ ГЕЈТ“ И „ДАЈМОНД“: Полицијата врши проверки во трговските центри

Пријави за експлозивни направи испратени до МВР

Денеска на електронската адреса на Министерството за внатрешни работи пристигнале дојави за наводно поставени експлозивни направи во трговските центри „Ист гејт“ и „Дајмонд“ во Скопје.

По добивањето на пораката, веднаш се преземени безбедносни мерки и започнати се проверки на терен.

„На електронска адреса на Министерството за внатрешни работи е добиена порака со закана дека во трговските центри ‘East gate’ и ‘Diamond’ во Скопје се поставени експлозивни направи. Полициски службеници преземаат мерки и вршат проверки во трговските центри“, велат од МВР за „Скопје1“.

Полициски екипи на терен

Од МВР информираат дека полициски екипи се на лице место и вршат детални контроли во објектите.

Проверки се спроведуваат во двата трговски центри, додека институциите ги преземаат сите мерки за утврдување на веродостојноста на дојавите.