Никола Ш. (19) и Милош М.(20) се убиени ноќеска десет минути по полноќ во Футог. Никола Ш. бил удрен во главата и паднал покрај автомобилот, додека тешко ранет Милош М. успеал да побегне но починал на околу стотина метри.
Никола Ш. (19) и Милош М.(20) се убиени во петокот десет минути по полноќ, а осомничениот кој пукал во нив е Никола Л.(23), кој неколку часа по злосторството бил уапсен од новосадската полиција. Освен Никола Л., кој е осомничен дека пукал во двајца млади момчиња, уапсени се и Душан Д., Бранко Г., и Огњен Н..
Според првите, неофицијални информации, станува збор за пресметка на членови на различни навивачки групи, а на фотографијата од убиените млади момци може да се забележи дека барем според ознаките на нивните дресови, тие се обожаватели на ФК „Војводина“.
Според друга верзија на настанот, ова пукање има врска со пресметката за контрола на пазарот на наркотици.
Нападот се случил недалеку од дворот на ОУ „Десанка Максимовиќ“ до кое со години се собираат претежно млади луѓе. Тие ги оставаат своите автомобили на улицата Фрушкогорска, а потоа поминуваат преку малиот мост што води преку каналот до клупите до основното училиште.
Според мештаните, таму со години се собираат млади луѓе, вревата и метежот се секојдневие, но досега не се забележани поголеми инциденти.