Англискиот репрезентативец Ентони Гордон истакна дека преминот во редовите на шпанскиот фудбалски гигант Барселона му овозможил потполно да го трансформира својот стил на игра. Офанзивецот се пресели на стадионот „Камп Ноу“ од составот на Њукасл за време на летниот преоден рок.
Фудбалерот нагласува дека во Шпанија се соочил со сосема поинакви барања во споредба со оние на Островот. Според него, во Примера фокусот е ставен на тактичката прецизност и рафинираната контрола на топката.
Во Англија секогаш чувствував дека ме почитуваат поради тоа што сум брз и вршам пресинг, но не го вреднуваа доволно квалитетот и интелигенцијата со кои играм, вели Ентони Гордон.
Гордон потенцира дека во редовите на каталонскиот тим постојат високи стандарди кои не дозволуваат технички недостатоци кај првотимците.
Во Барселона, ако не си технички поткован, веднаш те посочуваат, вели Ентони Гордон.
Тој верува дека каталонската филозофија му помага да ги усоврши своите фудбалски вештини и да покаже дека поседува висока играчка интелигенција.