Исламска држава ја презеде одговорноста за нападот во северна Сирија, во кој вчера загинаа 13 лица, а три беа повредени, соопшти денеска оваа група.

Нападот врз цивилен автобус се случи во провинцијата Рака, која претходно беше под контрола на Исламската држава.

Групата соопшти дека нивните борци го нападнале автобусот со автоматски пушки.

Сириската армија претходно соопшти дека меѓу жртвите има и 11 војници.

Исламска држава прогласи „калифат“ (форма на владеење) што покрива делови од Ирак и Сирија, а главен град беше Рака.

Тие беа поразени во 2019 година, но нивните борци сè уште вршат терористички напади во оваа област.