Инфлацијата се повеќе ги „јаде“ парите на граѓаните и никако да падне под 3%. Според државната статистика, и натаму поскапуваат храната, здравството, транспортот. Во однос на истиот месец лани, најмногу се поскапени угостителските услуги. По двомесечниот пад на трошоците, сега и на месечно ниво трошоците за живот се зголемени за 0,7%. Најголемиот дел од семејниот буџет оди за јадење.
Економистите апелираат на внимателно трошење на државните пари.
Во меѓувреме, Владата го усвои предлог-буџетот за 2024 година и се очекува да биде одобрен на пленарна седница.
Според министерката за финансии, со прекројувањето на касата ќе има повисоки плати во јавниот сектор, повеќе пари за пензии, за здравството, финансии се обезбедени за бизнисот, за земјоделството, студентите и општините.
Димитриеска-Кочоска, рече дека лошата состојба во буџетот ги надминала нивните очекувања и побара реакција од Обвинителството.
Ребалансираниот буџет ќе тежи рекордни 5,8 милијарди евра.