„Западниот свет очигледно сè уште не може да разбере една работа. Денешна Русија не е Сојузот на републики на Горбачов и не е територија на Елцин изградена врз пуч, дефицит и неплаќање, напиша, меѓу другото, чеченскиот лидер Рамзан Кадиров на својот канал на Телеграм.
„Ова е уште една силна и моќна Русија, а вие, западни политичари, мора да ја преиспитате не стратегијата за распаѓање на Руската Федерација, туку односот кон соработката со земја која е ограбена и понижена од Западот во изминатите 20 години, и денес е моќна политичка структура, реорганизирана, непопустлива“, пишува Кадиров.
Русија знае како да стекне пријатели, а најдобар пријател меѓу сите земји во светот е оној кој е сигурен, искрен, оценува чеченскиот лидер.
„Но, како што со право забележа нашиот претседател Владимир Владимирович Путин, ако некој сака залак од туѓа земја, ќе остане без заби и до крајот на животот ќе јаде џвакана храна што соседот му ја послужува на лажица во кревет. Научете да бидете пријатели со Русија – вашите сопствени заби ќе бидат поздрави“, напиша Кадиров на апликацијата Телеграм.
Тој уште соопшти дека група доброволци се упатила кон Донбас.
„Друга група доброволци се упати кон специјалната оперативна зона Донбас од меѓународниот аеродром во Грозни. Благодарение на одличната обука која ја пружи персоналот на Универзитетот за обука на специјалните сили, волонтерите се добро подготвени за да решаваат оперативни задачи“, порача Кадиров.