Актуелните прашања од заеднички интерес за Скопје и Вашингтон и соработката меѓу двете земји, како на билатерално ниво, така и во рамките на НАТО, беа теми на денешната средба на министерот за надворешни работи и надворешна трговија Тимчо Муцунски со американскиот државен секретар Марко Рубио на маргините на состанокот на шефовите на дипломатиите на земјите членки на Алијансата во Брисел.
Муцунски: Македонија заслужува јасен пат и напредување врз основа на заслуги
Во објава на социјалните мрежи, министерот Муцунски наведе дека имал „кратка, но многу продуктивна средба“ со Рубио, која е прва од неодамнешното именување на американскиот државен секретар на функцијата.
– Се согласивме за важноста од натамошно интензивирање на политичкиот дијалог на високо ниво. Следуваат многу заеднички иницијативи – наведе Муцунски во објавата.
Муцунски денеска и утре учествува на министерскиот состанок на НАТО во Брисел на кој главни теми се приоритетните безбедносни предизвици, поддршката и перспективите за Украина, зајакнувањето на партнерствата и одбранбените капацитети и подготовките за јунскиот Самит на НАТО во Хаг.
View this post on Instagram
Извор: Нова Македонија