Инфлацијата во Европската унија (ЕУ) лани достигна 9,2 проценти, што е највисоко ниво измерено досега. Во споредба со 2021 година, кога годишната вредност беше 2,9 проценти, стапката на инфлација е зголемена повеќе од тројно, објави Еуростат.
Во ЕУ лани имало повисока инфлација и во споредба со некои од најголемите светски економии, како Соединетите Американски Држави, каде годишната инфлација лани достигна 8,7 проценти, во Јапонија 2,5 отсто и најниската стапка е забележана во Кина со 2,0 проценти.
Најголем пораст на цените во ЕУ во 2022 година има кај трошоците за домување и храна. Потрошувачките цени за домување, вода, струја, гас и други горива минатата година забележаа досега најголем пораст од 18 отсто.