Сообраќајот на државните патишта се одвива без забрани, но со предупредување за внимателно возење
Сообраќајот на државните патишта се одвива во зимски услови со појава на магла на неколку локации.
Од АМСМ информираат дека коловозите се претежно суви, но на одредени места има влажни делови. Намалена видливост до 50 метри е регистрирана во околината на Гевгелија. До 100 метри видливоста е намалена во Струмица, Неготино и Сарамзалино. Магла со видливост до 150 метри има и кај Демир Капија.
Сите патни правци во државата се проодни. Интензитетот на сообраќајот надвор од градските средини е умерен. На граничните премини од македонска страна нема подолги задржувања за влез и излез од државата.
Возачите да внимаваат на делници каде е можна појава на одрони
АМСМ препорачува прилагодување на брзината на движење. Се апелира на почитување на сообраќајната сигнализација и внимателно управување со возилата.
Посебна претпазливост се препорачува на патиштата низ котлините, речните долини и клисурите. Таму постои можност од појава на одрони. Ова се однесува на делниците Катланово – Велес, Маврово – Дебар – Струга, Виница – Берово и Кочани – Делчево.