Македонија и Грција ја продлабочуваат билатералната одбранбена соработка
Денеска се одржа средба помеѓу министерот за одбрана Владо Мисајловски и амбасадорката на Грција, Софија Филипиду, со досегашното одбранбено аташе, бригадниот генерал Константинос Самарас, и новопоставеното аташе, полковникот Ставрос Манолис. Средбата беше насочена кон јакнење на билатералната одбранбена соработка и континуитетот на заедничките активности во рамки на НАТО.
Министерот Мисајловски нагласи дека за двете соседни земји и сојузници во НАТО, приоритет е стабилен, безбеден и сигурен регион, а токму заедничката посветеност кон одбранбената соработка овозможува исполнување на таа цел.
„Како две соседни земји, сојузници во НАТО за нас приоритет е стабилен, безбеден и сигурен регион, а заедничката посветеност кон јакнењето на одбранбената соработка го овозможува токму тоа. Благодарност до бригадниот генерал Самарас за исклучително плодната соработка изминатиот период. Високиот степен на реализација на Плановите за билатерална соработка, особено во доменот на заедничките обуки и вежби се доказ за одличните билатерални одбранбени односи. Соработуваме и во рамки на НАТО, но и во однос на заедничката безбедносна и одбранбена политика преку учеството на земјата во борбените групи на Европската Унија, особено мултинационалната борбена група HELBROC 2023/1, предводена од Грција,“ истакна Мисајловски.
Министерот на полковникот Манолис му посака добредојде и истакна дека Македонија е решена да продолжи со континуиран развој на одбранбената соработка со Грција, како во сегашноста, така и во иднина.
Средбата ја потенцира важноста на соработката меѓу соседните земји и во рамки на НАТО, со посебен фокус на заедничките вежби, обуки и интеграција во мултинационални борбени групи на Европската Унија.