Жителите на скопската населба Инџиково наскоро ќе добијат нов објект за згрижување и воспитание на најмладите. Новата детска градинка „Лавче“ ги финализира подготовките за прием на дечињата, со што значително се зголемуваат капацитетите во ова населено место.
Новиот објект е изграден според современи стандарди за предучилишно образование и овозможува подобри услови за престој и правилен развој на најмладите генерации.
Со ставањето во функција на градинката се решава долгогодишниот проблем на семејствата со сместувањето на нивните деца во оваа општина.