– Секогаш кога ДУИ е дел од процесот на организирање на изборите, работите се одвиваат во ред. Имаме придонес штоизборите поминуваат во нормален процес. Мислам дека ДУИ постигна одличен резултат. Ги зголеми гласовите од 2017 година. Ако се бројат советите и градоначалниците имаме 130.000 гласа, а имавме 89.000. ДУИ покажува стабилност во однос на поддршката од граѓани. Имаме тројца избрани градоначалници со убедлива предност. Со предност одиме во вториот круг речиси во сите општини, оценува Османи во Утрински Брифинг.

ДУИ многу вложи во Гостивар, но не успеа да го спречи Арбен Таравари кој за многу малку не влезе во првиот круг. Како што објави „Слободен печат“ има вишок од 114 ливчиња па тоа треба да се види според приговорите а ја менува ситуацијата со излезноста.

– Како ќе каже ДИК, така ќе се однесуваме. Имаме доверба во процесот. Сепак имаме одлични резултати и зголемување на гласачите во Гостивар. Кампањата беше успешна и сметам дека имаме шанси во вториот круг, вели Османи за Утрински брифинг.

Во дадената ситуација на терен по резултатите од изборите ДУИ влегува во чувствителна фаза каде оваа партија е во директен судир со СДСМ, кој пак доживеа тежок пораз. Во Тетово ДУИ е во судир со Беса кој е владин коалициски партнер, на ДУИ ѝ треба Чаир. Како ќе се одвиваат преговорите?

– Гласачите не можат да бидат насочуани од партиите во поолем степен, Гласачите се еманципирани во Тетово. Затоа и имавме градоначалничка во Тетово. Алијанса имаа лош кандидат, а граѓаните знаат, сега се се сведува на профилот на кандидатот и очекуваме дека Арифи ќе добие. Да, сме разговарале со СДСМ, но пред избори се договоривме дека сами ќе излеземе на избори и ќе оставиме граѓаните самите да одлучат, вели Османи.

Во однос на состојбата во главниот град, Османи коментира:

– Во Скопје имаме одличен резултат, имаме над 26.000 гласови. Ако ги гледате бројките по избирачки места колку имаме ние гласови толку добил и Шилегов. Мислам дека втор круг не е континуитет на првиот туку се почнува од нула. Тогаш граѓаните повеќе размислуваат за кого ќе го дадат гласот кога има само двајца кандидати а не 12. Мислам дека постои можност во Скопје и двајцата кандидати да победат, но ќе одлучат скопјани. Во Чаир за триста гласа не победивме во прв круг, а и во Арачиново очекуваме победа бидејќи имаме одличен кандидат, вели Османи.