Денес во претпладневните часови во отвореното одделение во затворот Идризово од страна на осудено лице физички беше нападнат дежурниот командир.
Според непроверени информации се спомнува дека осуденикот имал нож во рака.
Затворскиот полицаец е пренесен во Клинички центар, каде е утврдено дека врз истиот е извршен физички напад и е здобиен со полесни физички повреди.
Според нашите информации осуденото лице според правилникот на установата не исполнува услови да биде сместено во отворено одделение, затоа што има третман на осуденик со висок ризик.
Нашата редакција се обидува да стапи во контакт со раковоството на затворот Идризово, за да добиеме потврда за настанот.